Пракуратура Гомельскай вобласці прыняла рашэнне аб адмове ва ўзбуджэнні крымінальнай справы па факце дарожна-транспартнага здарэння, якое адбылося ў вёсцы Калініна Буда-Кашалёўскага раёна 22 красавіка.
Кіроўца, які вёў аўтамабілем "Ніва-Шэўрале", здзейсніў наезд на веласіпедыстку – мясцовую жыхарку, якая сканала на месцы. Аўтамабілем кіраваў старшыня Буда-Кашалёўскага райвыканкама Мікалай Чарныш.
Як паведаміў БелаПАН следчы пракуратуры Гомельскай вобласці Аляксандр Шчаглоў, у выніку даследчай праверкі было ўсталяванае, што ў дзеяннях кіроўцы адсутнічае склад злачынства.
"Па выніках аўтатэхнічнай праверкі было высветленае, што кіроўца Чарныш не меў тэхнічнай магчымасці прадухіліць ДТЗ", – удакладніў следчы.
Сведка ДТЗ Алена Дударава паведаміла БелаПАН, што 22 красавіка яна з сваёй калегай Лідзіяй Ткачавай ехала па абочыне дарогі на ровары з працы – малочна-таварнай фермы.
"Пасля нейкага ўдару я ачуняла ў кювеце. Калі выбралася на дарогу, то ўбачыла Ліду, яна ляжала на дарозе ў крыві. Ледзь далей стаяла машына, з якой выйшаў наш старшыня райвыканкама. Хачу зазначыць, што, калі мы ехалі, траса была пустая, не ехалі ніякія сустрэчныя машыны. Як ён мог яе падбіць – не разумею", – здзівілася А.Дударава.
Дачка загінуўшай Вольга распавяла БелаПАН, што сваякі памерлай не згодныя з рашэннем пракуратуры аб адмове ва ўзбуджэнні крымінальнай справы.
"Нашу маці забілі, і нікому няма ніякай справы. А старшыня райвыканкама як працаваў, так і працуе. Яму, пэўна, нават і штрафу не далі. Мы будзем скардзіцца на дзеянні міліцыі і пракуратуры", – сказала Вольга.
Хартия97
/LOGO5.jpg){kind=logo}
/menu_start.gif){kind=small}
/menu_separator.gif){kind=small}
